Du, bald en Gnom?

Du hesch Lust uf Fasnacht und du möchtisch en Teil vo de Chappelgnome werde?
Denn meld dich gern mitem Formular wiiter onde be üsem Präsi Sammy von Ah!

Nach de Fasnacht schicked mer der den en Iiladig zu üsem Info-Obig, wo du de ganz Vorstand ond au die andere Neu-Gnome chasch könnelehre.

Du bechonsch en Iblick i üse Verein und du hesch natürlich au d'Möglichkeit zum Froge stelle. Nachdem den du ond au mer in aller Rueh dröber gschlofe hend, chasch entscheide, öb du definitiv en Gnom möchtisch wärde. Falls au de Vorstand vo der öberzüügt esch, stoht dinere erste Fasnacht be de Gnome nüd meh im Weg!

Uf was es üs am meiste achond: Du passisch guet zu de Gnome ond bisch mindestens 18ni (oder wersch es gli)! Es isch keis Problem, wenn du no keis Instrument spielsch - das esch keis Muss! Üs gohts vor allem do drum, dass mer zäme en gueti Ziit hend ond en rüüdigi Fasnacht chönd erläbe.

Sammy von Ah

Präsident

Mer freued üs rüüdig, dech könne z'lehre.

Ech möcht en Gnom wärde

Hüüfigi Usrede.... äääh Froge

Ich ha jo gar keis Instrument glehrt ond/oder cha kei Note läse!
Keis Problem, mer au ned! Aber mer helfed dier gern debi, dass au du dies Wonsch-Instrument gli im Greff hesch. Ond söscht send au helfendi Händ am Teewage oder als Fahneträger sehr willkomme!

Ich könne veli Lüüt be andere Musige!
Macht nüd, mer jo au.

Äääh ech möchte a de Fasnacht ned bonde si, sondern selber omezieh ond dete hi go, wo’s mer gfallt!
Wenn du met dine Gnome-Gspändli onderwegs besch, besch garantiert dete, wo’s dier am beste gfallt.

Ich weiss ned, öb ech gnüegend Ziit ha?
Ziit hed mer nie eifach so, die muess mer sech nä! Aber wenns eim werkli Spass macht, den nimmt mer sech die Ziit gern.

Ich ha no meh Froge, aber getrau mech ned, die z’stelle...
Kein Angst, eifach üs kontaktiere, mer wössed uf jede Frog en blödi Antwort.

Ech ha de Info Obig verpasst!
Neumitglieder send au spöter no herzlich Willkomme, also nor well de Info-Obig verpasst hesch, brecht kei Welt zäme. Meld dech eifach be üs.